جناح الحلم !

الحلم طير فى السما ما يعرف قيود الحلم طير فى السما ما له حدود الحلم حالة مش قوالة الحلم نفس فى الخنقة الحلم ابتسامة وسط الدموع الحلم هو حياتى من غيرة ما لى طريق احلم وانا اعمى اشوف الطريق احلم وانا ميت احيا من جديد احلم وانا تايه وسط الحياه معرفش انا فين ومين ولا امتى لكن حلمى بيرسينى وبيعرفنى ايه الفايدة من سنينى الحلم احلى صديق الحلم ما يعرف ضيق ولا زنقة الحلم حياته واسعه ومالها نهاية كلمه المستحيل ما ليها معنى معاه والى انت بتتمناه بحلمك اكيد هتلاقاه حلمك هو الطريق حلمك هو طوق النجاه احلم وانسى الدنيا معاه امسك فى ايده وطير شوف هيوديك على فين اخرج من زنقة الحياه جرب تشوفها من بره الدنيا ليها طعم تانى وانت معاه كل حاجة بتبستم كل الناقص بيكمل ويترسم اصوات الدنيا زقزقة عصافير الوانها صافيه زى السما فى الربيع ورود مفتحه وحمام بيطير كلام الناس ابتسامه الحلم ما له علامه موجود فى كل مكان لا يعرف ميعاد ولا زمان الحلم الروح الى جوانا من غيره ما فى حياه ياااااه اد ايه حلوة الحياه وانا مع حلمى ليه الدنيا مش كلها حلمى اقتل يأسك واحباطك طير مع حلمك وانسى حياتك متخليش حد يحرمك منه متخليش الكلام يفصلك عنه غمى عيونك سد ودانك عن اى حاجة تعكر حياتك واهو حلمى فردلى جناحاته ونزلنى  وهرجع للواقع لكن راجع وجوايا قرار احقق الى شوفته فى حلمى هخلى حلمى فى حياتى مش هخليه شىء فى خيالى وذكرياتى اصل انا حبيت حلمى ومفيش قوة تفرق الحب عن الحياه والحلم هو الحب والحياه والابتسامة والطبطة وقت الاه حلمى انا ان عاش هو عشت انا وان مات هو عاش جسدى انا ...