على الارض لكن مداسين !!

فى زحمة الاشارات تسمع انين واهات من قلب مقتول بالضياع والاحباط قلب طفل بيقول فل يا هانم ورد يا بيه مناديل يا باشا عايش بجسمة طفل لكن حقيقتة ولا تعرف للطفولة معنى من نظرة عينيه بتقول كلام كتير وقفت عربية وجرى عليها لاجل يلحق يبيع علبه المناديل شاف جواها طفل فى سنه لكنه مش زيه طفل عايش طفولته بمعناها الحقيقى بص لنفسه وسألها ميت سؤال ولا عرفت ترد عليه سرح فى الدنيا ونسى المناديل بص للطفل ودمعت عينيه ودموعت حكت الى جواه كان نفسى اتعلم وابقى حاجة كان نفسى الاقى مكان يضمنى كان نفسى الاقى قلب يحبنى كان نفسى الاقى الغطا فى بردى كان نفسى الاقى الدوا فى مرضى كان نفسى الاقى اللقمة فى جوعى كان نفسى الاقى الهدمة فى عيدى كان نفسى اعرف يعنى ايه دينى كان نفسى ابويا يودينى الجامع ويعلمنى الصلاه كان نفسى اعرف للعيلة معنى وانسى الشارع الى جامعنا كان نفسى الاقى الام بحنيتها الى دايما اسمع عنها ولا يوم شربت منها كان نفسى اعيش منصان واترحم من الذل الاهانة كان وكان وكان ونفسى يا دنيا تجاوبينى ليه انا وليه مكتوب عليه اعيش كل اشكال الحرمان ليه انا الضحية ليه انا  ومين السبب انتى ولا انا ولا هما الى سابونى وانا صغير ولا انا الى معجبنيش الحال وقلت اتحرر خايف ما يجى اليوم واعيش فيه العمر الى حلمت بيه خايف ما اقدر انفذ الى جوايا خايف خايف متمشيش يا دنيا على هوايا خايف املى فى بكرة يكون سراب خايف ما لاقى اى باب من زمان وانا خايف وخايف وميجيش اليوم الى اكون فيه مش خايف فتحت الاشارة وفضل واقف مكانه وخايف حتى يتحرك وسمعت الناس اعلى صرخة منه لما العربيه صدمته لكنه ابتسم ودموعه فى عينيه ونطق لسانه باخر ما جواه كنت دايما خايف عشان عارف اننا ملناش حد كنت دايما خايف عشان عارف ان هى دى النهاية مش قولتلكم كان نفسى اعيش انسان !!